Бас мәзір

Жедел жағдай

2019
Ақпан
MoTuWeThFrSaSu
    123
45678910
11121314151617
18192021222324
25262728   

 

Департаменттің сенім

телефоны

8(7132) 54-50-25

Өзіндік қауіпсіздік

тобының сенім телефоны

8(7132) 55-00-30

БІРЫҢҒАЙ

СЕНІМ ТЕЛЕФОНЫ
1402

Интерактивті сұрақ

Сіз біздің ұйым жұмысының нәтижелерін қалай бағалайсыз?
 

Авторизациялау



Есептегіш

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін4292
mod_vvisit_counterКеше6122
mod_vvisit_counterБір аптада26864
mod_vvisit_counterБір айда78194
mod_vvisit_counterӨткен айда114150
mod_vvisit_counterБарлығы5021880

ban kaz

Жаңалықтарға жазылу

Сайт бойынша iздестiру

prezident
 
 
 
resizei
kyzmet
 

 

 

 

 

 

 

kabildau

   

Негізгі бет
КТИ – бұл өте қызықты... PDF Басып шығару E-mail

13.02.2019

КТИ – это очень заманчиво...КТИ – бұл өте қызықты...

2019 жылғы 6 ақпанда Қобда ауданы ТЖ бөлімінің қызметкерлері және Көкшетау техникалық институтының 2 курс студенті Ерғанат Дулатпен ҚР ІІМ ТЖК Көкшетау техникалық институтына түсу бойынша ауданның орта мектептерінің жоғары сынып оқушылары арасында үгіт-насихат жұмыстарын ұйымдастырды.
Курсант Ерғанат Дулаттың әңгімесінен оқушылар институттың өмірі туралы, болашақ офицердің дайындығы оқу аудиторияларында, сондай-ақ оқу өрт сөндіру бөліміндегі жауынгерлік кезекшіліктерде өтетіні туралы білді. Оқу үрдісінде заманауи ақпараттық жүйелер мен білім беру технологиялары қолданылады. Институттың материалдық және техникалық базасы нақты жағдайға барынша жақын мұнай қоймаларында, технологиялық қондырғыларда шартты өрттерді сөндіру бойынша өрт-тактикалық оқу-жаттығуларды, сондай-ақ авариялық-құтқару жұмыстары бойынша оқу-жаттығуларды өткізуге мүмкіндік береді. Осының барлығы курсантқа өз мамандығын тек теорияда ғана емес, тәжірибе жүзінде де тануға мүмкіндік береді.
Балаларға оқу аяқталғаннан кейін жас мамандарға азаматтық қорғау лейтенанты офицерлік атағы берілетіндігі, сондай-ақ олар Төтенше жағдайлар комитеті бөлімшесінде одан әрі жұмысқа орналасумен қамтамасыз етілетіні туралы өте қызықты ақпарат көрсетілді.
Үгіт-насихат жұмыстарымен 6 мектеп, 176 оқушы 9, 10 және 11 сынып оқушылары қамтылды.

 
Тағы да сақтық шаралары туралы PDF Басып шығару E-mail

12.02.2019

Еще раз о мерах предосторожности Тағы да сақтық шаралары туралы

Ақтөбе облысы ТЖД Темір ауданының ТЖ бөлімі "ӨС және АҚЖҚ" ММ № 13 өрт сөндіру бөлімінің жеке құрамымен бірлесіп, өрттің алдын алу мақсатында Шұбарқұдық кентіндегі тұрғын үйлерді аралап шықты.
Профилактикалық іс-шаралар барысында қызметкерлер тұрғындарға пешті пайдалану ережелерін түсіндірді, өрт қауіпсіздігі ережелеріне сәйкес кеңес берді. Атап айтқанда, қандай да бір ақаулары бар пешті пайдалануға қатаң тыйым салынатынын еске салды. Түтін құбырларын, электр аспаптарын, плиталарды дұрыс жағдайда ұстау керек, плиталар жанбайтын тұғырларда орнатылуы тиіс, сонымен қатар перделерден, жиһаздан және жанғыш материалдардан алыс болуы керек. Түтін мұржаларын мезгіл-мезгіл күйеден тазарту қажет. Жағу үшін тез тұтанатын сұйықтықтарды қолдануға, жанғыш заттарды пештің жанында кептіруге болмайды. Ал сіріңкені және тұтандырғыш құралдарды балалардың қолы жетпейтін жерлерде сақтау керек.
Шұбарқұдық кенттік әкімшілігі, "ҚазТрансГазАймақ" Газ қызметі және "Энергожүйе", сондай-ақ Темір аудандық полиция бөлімінің қызметкерлерімен бірлесіп тұрмысы нашар отбасылар мен мүгедектер тұратын бірнеше үйге барды. Құтқарушылар пештерді мұқият тексеріп, барлық бұзушылықтарды жоюды ұсынды, өйткені бұл олардың өмірі мен денсаулығына қауіп төндіреді.
Өкінішке орай, жұмыс күні болғандықтан тұрғындардың көбісі үйлерінде болған жоқ. Бірақ бұл үйлер назардан тыс қалған жоқ – қызметкерлер пошта жәшіктерінде жылыту кезеңіндегі қауіпсіздік шаралары туралы жаднамалар қалдырды.

 
Алдын алу жұмыстарына түсіністікпен PDF Басып шығару E-mail

12.02.2019

К профилактике с пониманиемАлдын алу жұмыстарына түсіністікпен

Өрттің алдын алудың негізгі мақсаттары мен міндеттері өте қарапайым. Оларды орындау қиын емес. Ең бастысы – өрт қауіпсіздігі қағидаларын ұстану. Ақтөбе облысы ТЖД гарнизоны тұрмыстағы өрт қауіпсіздігі ережелерін халыққа жеткізу үшін 2 демалыс күні ішінде тағы да бір рет түсіндіру мақсатында рейдтік іс-шаралар ұйымдастырды.
Өрттің шығу қаупін төмендету мақсатында өртке қарсы қызметтің назарын аудару қажет елді мекендердің аса проблемалық көшелері, кварталдары, шағын аудандары анықталды.
Тұрғын секторда алдын алу жұмыстарын жүргізуге азаматтық қорғау органдарының барлық жеке құрамы, соның ішінде Департамент аппараты да жұмылдырылды. Жұмыс аса тиімді болу үшін үшін аулаларды аралау демалыс күндері, көптеген азаматтар үйде болған кезде жүргізілді.
2019 жылдың 9 және 10 ақпанында 3649 тұрғын үйдің 12 мыңнан астам тұрғыны қамтылды, 315 адамның қатысуымен 25 жиналыс және жиын өткізілді. Әлеуметтік осал тобындағы 1271 тұлғаның тұрғылықты жері бойынша 326 рейд ұйымдастырылды (тұрғындардың қозғалысы шектеулі тобындағы 118 үй/332 адам, қолайсыз отбасы 96үй/272 адам, көп балалы отбасы 112 үй/667отбасы). ЖПҚ-мен бірлесіп 98 рейд өткізіліп, 469 адам қамтылды. 410 азамат үшін 25 рет әлеуметтік роликтер көрсетілді. Өрт қауіпсіздігі бойынша 7267 ақпараттық материал таратылды. Өткізілген іс-шараларға барлығы 396 адам (Азаматтық қорғау органдары, Ерікті өртке қарсы қызмет құрылымдары, Мемлекеттік емес өртке қарсы қызмет қызметкерлері, еріктілер, газ қызметі қызметкерлері) қатысты.
Жағымды жағы тұрғындардың көпшілігі қызметкерлердің жұмысына үлкен түсіністікпен және құрметпен қарады. Тұрғындар үйлеріне кіргізіп, өртке әкелуі мүмкін кемшіліктерді көрсетуді өтінген жағдайлар болды. Бірақ мұндай келушілерге барлығы дерлік риза емес. Кейбір тұрғындар өрт қауіпсіздігі мәселелері бойынша ақпарат алуда құтқарушылардың көмегінен бас тартады. Ал әр адам осы ережелерді білуі, оларды орындауы, сондай-ақ оған өз балаларын үйретуі керек.
Бүгінгі күні облыс аумағында өрт қауіпсіздігі құралдарын ақысыз беруге бағытталған «Жақсылық жаса» акциясы жүргізілуде, акцияны өрт қауіпсіздігі мәселелерімен айналысатын үкіметтік емес ұйымдар және еріктілер қолдады. Акция аясында 150 отбасына (жалғыз басты қарт адамдар, көп балалы отбасы, мүгедек балаларды тәрбиелеп отырған отбасы) алғашқы өрт сөндіру құралдарын, автоматты датчиктерді тегін сыйға тарту, түтіндіктерді тазалау, пеш алдындағы қаңылтырды орнату және басқа да іс-шаралар түрінде көмек көрсетіледі.

 
Әдемі матчтар аз ойналмады! PDF Басып шығару E-mail

12.02.2019

Красивых матчей было сыграно немало!Әдемі матчтар аз ойналмады!

Үш күнге созылған спорттық мерекеге Ақтөбе облысы ТЖД «Өрт сөндіру және Авариялық-құтқару жұмыс қызметі» ММ -нің № 3 мамандандырылған өрт сөндіру бөлімі аумағында хоккей әуесқойлары, ойыншылар және жанкүйерлер жиналды. 7-9 ақпан аралығында үш күнге созылған тартыста өрт сөндіруші спортшылар Ақтөбе гарнизоны бойынша біріншілікке жарысты.
Жарысқа Ақтөбе облысы мен қаласының өрт сөндіру бөлімдерінен және қызметті басқару аппаратынан барлығы 20 команда, 126 адам қатысты. Өртке қарсы бөлімшелердің құтқарушылары: хоккейдің спорттық дағдыларын шебер меңгергендер де және мұз айдынына жаңадан шыққандары да мықты командалық рух пен жеңіске деген құлшыныстарын танытты.
Ақтөбе облысының ТЖД -нің өртке қарсы қызмет гарнизоны бөлімшелері арасында қысқы спорт түрлері бойынша, қаңтар айының соңында шаңғы жарысы мен эстафетадан бастау алған спартакиада, өрт сөндірушілердің сүйікті командалық ойыны – хоккеймен жалғасты. Сол кезде командалық бірлікпен барлық гарнизон шаңғыға тұрған болатын.
Енді міне хоккейден турнир аяқталды. Үздік ойыншылар мен үздік командалар құрмет тұғырында. Жүлделік орындар құтқарушылардың спорттық шеберліктеріне сәйкес анықталды. Жарыс қорытындысы бойынша:
І орынды – Алға ауданы, № 6 Өрт сөндіру бөлімі;
ІІ орынды – Шалқар ауданы, № 17 Өрт сөндіру бөлімі;
ІІІ орынды – Ырғыз ауданы, № 9 Өрт сөндіру бөлімі командалары иеленді.
Сондай-ақ, турнир барысында нағыз спорттық қасиеттер мен жақсы ойын көрсеткен спортшылардың жеке еңбектері атап өтілді:
«Үздік қақпашы» номинациясын, Ырғыз ауданы № 9 Өрт сөндіру бөлімінен Наурызбек Ахашов;
«Үздік қорғаушы» номинациясын, Ойыл ауданы № 14 Өрт сөндіру бөлімінен Жандарбек Қобланов;
«Үздік шабуылшы» номинациясын, Байғанин ауданы № 8 Өрт сөндіру бөлімінен Алтынбек Жанұзақов;
«Үздік ойыншы» номинациясын, Алға ауданы № 6 Өрт сөндіру бөлімінен Багдат Жангараев иеленді.

 
Алғадағы ашық есік күні PDF Басып шығару E-mail

11.02.2019

День открытых дверей в АлгеАлғадағы ашық есік күні

Алға ауданы Төтенше жағдайлар бөлімінің қызметкерлері Есет батыр атындағы орта мектебінің оқушыларына ашық есік күнін өткізді. Іс-шара барысында оқушыларға өрт сөндіру техникасы мен жабдықтары көрсетілді. Қызықты әрі шынайы болу үшін Алға ауданы 6-ӨСБ қызметкерлері жауынгерлік киім киіп, тыныс алу аппараттарының жарамсыз ортада қалай жұмыс істейтінін түсіндірді.
Сонымен қатар оқушыларға спорттық жетістіктер, ТЖ бөлімі мен №6 өрт сөндіру бөлімінің жеке құрамының спорттың әр түрі бойынша спартакиадаларға қатысуы туралы айтылды. Балаларға 101 және 112 нөміріне қоңырау шалудың тәртібі және жалған шақырулардың салдары туралы ерекше мән берілді.
Балалар өрт сөндіру техникасымен танысып, естелік суретке түсті.

 
Жылыту кезеңінде қайғылы жағдайды болдырмау мақсатында PDF Басып шығару E-mail

11.02.2019

День открытых дверей в АлгеЖылыту кезеңінде қайғылы жағдайды болдырмау мақсатында

Өрт кезінде адамдардың қаза болуы мен тұншықтырғыш газдан болатын соңғы аптадағы қайғылы оқиғалар қазақстандықтардың өмірін қиды. Ақтөбе облысының аумағында осындай қайғылы оқиғаға жол бермеу мақсатында ТЖ Департаментінің жеке құрамы облыстың барлық елді мекендерінде пешпен жылытатын жеке үйлерді аралап шықты.
Сонымен қатар, Алға ауданы Төтенше жағдайлар бөлімінің қызметкерлері Тамды ауылдық округінің әкімдігімен бірлесіп кезекті тұрғын үй секторын аралап шықты. Еркінқұш ауылында алдын алу мақсатында әрбір үйде өрт қауіпсіздігі ережелерін сақтау және оның салдары туралы түсіндіру жұмыстары жүргізіліп, жадынамалар таратылды. Тұрғындар пешті қалай дұрыс жағу керектігін және улы газдың пайда болу мүмкіндігін болдырмауды меңгерді. Іс-шара барысында Алға аудандық ТЖ бөлімінің бастығы М. Рятов жыл басынан бері орын алған қайғылы ТЖ мысалға ала отырып, өрт қауіпсіздігі ережелерін сақтаудың, әсіресе жылыту маусымы кезеңінде ерекше маңыздылығын еске салды.
Тұрғын үйлерді аралау бойынша профилактикалық іс-шаралар жалғасуда.

 
Түнгі өрт PDF Басып шығару E-mail

08.02.2019

Ночной пожарТүнгі өрт

2019 жылдың 8 ақпан күні, түн ортасында, Ақтөбе қаласы "Москва" ауданында "Нараяна" ТҚС слесарлық цехының екі қабатты ғимараты өртенді. Қоңырау 04 сағат 05 минутта түсті.
Өрт орнына бірінші болып өрт сөндіру және авариялық-құтқару жұмыстары қызметінің № 3 мамандандырылған өрт сөндіру бөлімі келді. Бұл уақытта өрт ғимарат шатырының жартысынан көбін қамтыды. Қарауыл бастығы азаматтық қорғау лейтенанты Б. Балсеитов жағдайды бағалап, өрт қауіптілігінің жоғары дәрежесін жариялады және өртті сөндіруге кірісті. Өрт сөндірумен қатар құтқарушылар техникалық қызмет көрсету станциясының гаражында орналасқан автокөліктерді шығара бастады.
5 минуттан кейін өрт орнына барлық өзара іс-қимыл қызметтері: барлық қалалық бөлімдердің өрт сөндіру бөлімшелері, жергілікті полиция қызметі, электриктер, Апаттар медицина орталығының дәрігерлері және басқалар келді. Барлығы 58 адам, 12 техника бірлігі жұмылдырылды. Өрт сөндіру барысында 4 жеңіл автокөлік тілсіз жаудан аман алынып калды, тағы біреуі өрттен аздап зардап шекті.
280 шаршы метр аумақты қамтыған жалынды өрт 5 сағат 46 минутта сөндірілді.

 
Балабақша бүлдіршіндеріне өрт қауіпсіздігін үйрету PDF Басып шығару E-mail

07.02.2019

Профилактика пожарной безопасности с воспитанниками детского садаБалабақша бүлдіршіндеріне өрт қауіпсіздігін үйрету

Балалардың тентектігі себебінен өрттердің пайда болуы, соның салдарынан балалардың жарақаттануы және тіпті қаза болуы - ересектердің тарапынан нақты, үйлестірілген іс-әрекеттердің шешілун талап ететін маңызды мәселе. Балаларға өрт қауіпсіздігі және тіршілік қауіпсіздігі ережелерін ерте бастан, кішкентайынан бастап үйрету қажет. Маңыздысы, балалар уақытша ересектердің қарауынсыз қалған жағдайларда жазатайым оқиғалар орын алған кезде не істеу керектігін білулері тиіс.
Ағымдағы жылғы 1-ақпанда Ойыл аудандық ТЖ бөлімі қызметкерлері «Асанәлі» бөбекжай-бақшасының» тәрбиешілерімен «Балапан» тобының бүлдіршіндеріне тәрбие сағатын өткізді. Тәрбие сағатына барлығы 7 тәрбиеші, 47 бүлдіршін қатысты. Іс-шара барысында Балабақша тәрбиешілері мен бүлдіршіндер «Өрт-тілсіз жау!» тақырыбында қойылым көрсетті.
ТЖБ қызметкерлері отпен абайсыз болу салдарынан орын алатын қауіптер туралы, сондай - ақ өрт болған жағдайда өзін қалай ұстау керектігі туралы ойын түрінде айтып өтті, балаларға кез келген төтенше жағдай туындаған кезде құтқару қызметіне "101" телефоны бойынша немесе барлық мобильді операторлардан - "101" және "112" телефондары бойынша шұғыл қоңырау шалу қажет екенін ескертті.
Шара соңында өрт қауіпсіздігі және қыс мезгіліндегі қауіпсіздікті сақтау жөнінде ескертпе парақшалары мен жаднамалар таратылды.
Аталған шаралар ауданда орналасқан мектепке дейінгі білім беру ұйымдарында жүйелі түрде ұйымдастырылмақ.

 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

1 -парақ, барлығы 211