Бас мәзір

Жедел жағдай

2018
Маусым
MoTuWeThFrSaSu
    123
45678910
11121314151617
18192021222324
252627282930 

 

Департаменттің сенім

телефоны

8(7132) 54-50-25

Өзіндік қауіпсіздік

тобының сенім телефоны

8(7132) 55-00-30

БІРЫҢҒАЙ

СЕНІМ ТЕЛЕФОНЫ
1402

Интерактивті сұрақ

Сіз біздің ұйым жұмысының нәтижелерін қалай бағалайсыз?
 

Авторизациялау



Есептегіш

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін2694
mod_vvisit_counterКеше4670
mod_vvisit_counterБір аптада29339
mod_vvisit_counterБір айда95387
mod_vvisit_counterӨткен айда119649
mod_vvisit_counterБарлығы3899209

ban kaz

Жаңалықтарға жазылу

Сайт бойынша iздестiру

prezident
 
 
 
resizei
kyzmet
 

 

 

 

 

 

 

kabildau

   

Негізгі бет
ТЖ органы саласының ардагерлерімен кездесу PDF Басып шығару E-mail

21.06.2018

Встреча с ветеранами органов по ЧСТЖ органы саласының ардагерлерімен кездесу

Қазақстан Республикасы ІІМ Төтенше жағдайлар комитетінің кіші басшы құрам (жоғары басшы құрамының базасында) тыңдаушыларының тәрбие жұмыстары аясында Ақтөбе облысының ТЖД «ӨС және АҚЖҚ» ММ Өңірлік оқыту орталығында «Төтенше жағдайлар органдары Ақтөбе облысы бойынша Қазақстандық ардагерлер ұйымы» ҚҰ-ның төрағасы Б.Т.Айтқұлов пен еңбек төтенше жағдайлар органдарына еңбегі сіңген зейнеткер А.К.Сегізбаевпен кездесу ұйымдастырылды.
Кездесуде зейнеткерлер өздерінің өмірлік тәжірибелерімен бөлісіп, ТЖ органында қызмет өткерген кездері туралы әңгімелеп, тыңдаушылардың сұрақтарына жауап беріп, болашақ офицерлерге өз міндетін адалдықпен орындау керектігі туралы айтып берді.
Жалпы зейнеткерлермен кездесу тыңдаушылардың патриоттық тәрбиесін қалыптастырып, көпұлтты Қазақстанға деген махаббатты арттыруға үлес қосты.

 
Бір команда – бір мақсат PDF Басып шығару E-mail

21.06.2018

Одна команда – одно целоеБір команда – бір мақсат

Команда... Бұл сөздің ішінде қаншама мағына жатыр, өйткені команданың дұрыс та үйлесімді жұмысының арқасында кез келген ұйым жемісті жұмыс жасайды. Бірақ та жақсы нәтиже мен сәттілікке жету үшін жай ғана команда емес, өз ұйымының игілігі үшін бірыңғай механизм ретінде қызмет атқаратын бірлігі мен ынтымақтастығы жарасқан ұжым қажет. Ақтөбе облысының ТЖД «ӨС және АҚЖҚ» ММ психолог мамандары осындай мақсаттың ізімен тимбилдинг өткізді.
Тимбилдинг — бұл жалпы мақсатқа жету жолындағы ортақ тиімді де белсенді шешім табуға үйрететін ұжымдық ойындар мен психологиялық тренингтер жүргізілетін корпоративтік демалыс. Тимбилдинг-тренинг жалпыкомандалық бірлік пен достық қарым-қатынасын, командалық рухты қалыптастыратын, ұжымның ауызбіршілігін және командада жұмыс істей білу дағдысын дамытатын және психологиялық жеңілдеуге бағытталған.
2018 жылғы 18 маусымда Өрт сөндіру қызметінің психолог мамандары қызметкерлер үшін нағыз тимбилдинг ұйымдастырды. Аталған шара Өңірлік оқыту орталығы аймағында әрбір команда үшін қызықты сынақтар түрінде өтті. Тренинг барысында ортақ мінез-құлық стратегиясын бірлесіп құрастыруға, бір-бірін жақыннан біліп, өзара сенімділікті қалыптастыруға бағытталған ойындар ойнатылды.
Бұл шара тату атмосферада өтті. Қызметкерлер психологтар ұсынған барлық күрделі тапсырмаларды белсенді орындады. Ойын барысында психологтардың өздері де үлкен күш-қуат пен жағымды эмоциялар алды.
Ұжымның тиімді әрі жемісті жұмыс жасауына тек дұрыс қойылған міндеттер ғана емес, дұрыс ұйымдастырылған демалыстың да ықпалы болатындығын естен шығармау қажет. Дұрыс ұйымдастырылған демалыс қысымды түсіруге, жағымды күш қуат алуға септігін тигізеді, ал бұл өз кезегінде жұмысқа деген ынта-ықыласты және еңбекке қабілеттілікті көтеруге мүмкіндік береді.

 
«СӨЗІҢІЗ АУЫЗЫҢЫЗДА» PDF Басып шығару E-mail

21.06.2018

ПРЯМОЙ ЭФИР В ПРОГРАММЕ «СӨЗІҢІЗ АУЫЗЫҢЫЗДА»ТІКЕЛЕЙ ЭФИРДЕГІ «СӨЗІҢІЗ АУЫЗЫҢЫЗДА» БАҒДАРЛАМАСЫНДА

2018 жылғы 15 маусымда «Рика ТВ» телеарнасының тікелей эфирінде «Сөзіңіз ауызыңызда» бағдарламасында өрт қауіпсіздік айлығы шеңберінде тұрғын үй секторындағы өрттерді алдын алу бойынша жүргізіліп жатқан жұмыстар туралы Ақтөбе қаласының Төтенше жағдайлар басқармасы бастығы азаматтық қорғау подполковнигі А.Жаңабергенов сөз сойлейді.
Ағымдағы жылдың басынан бастап қалада 200 өрт оқиғалары тіркелді, оның ішінде 113 тұрғын үй секторында. Өрттердің негізгі себептері: тамақты газ плитасында қараусыз қалдыру және электрқұралдарын пайдалану кезінде өрт қауіпсіздік ережелерін бұзу, сонымен қатар су айдындарындағы қауіпсіздікті сақтамауынан болып табылады.
«Азаматтық қорғау подполковнигі А. Жаңабергенов балалардың қауіпсіздігі мәселесіне ерекше көңіл бөлінетінін атап кетті. Өрт қауіпсіздігі айлығы шеңберінде өртке қарсы тақырыптарына әңгімелер, дәрістер түрде мектептерде, колледждерде және лагерлерде кешенді оқыту іс-шаралары, сондай–ақ отты қолдану кезінде қауіпсіздік шаралары туралы викториналар, конкурстар және интерактивті сабақтарды өткізу іске асырылды. Сонымен қатар, су айдындарында балаларды қараусыз тастамауы туралы тұрғындарға, ата-аналарға және олардың балаларына түсндіру жұмыстары жүргізілуде, аула аралау, рейдтерде парақшалар таратылуда.
Балалармен жүргізіліп жатқан жұмыстар өрт қауіпті және суға шомылу кезеңінде балалардың қатысуымен болатын төтенше жағдайлар санын азайтады.
Сондай–ақ, эфир барысында тұрғын үй сектордағы үгіттеу іс-шараларын жүргізу кезінде полиция қызметі мен жергілікті атқарушы органдардың өзара әрекеттесуі бойынша мәселелер талқыланды.
Азаматтық қорғау подполковнигі А.Жаңабергенов бағдарлама соңында өрт қауіпсіздік ережесін білу және сақтау өрттердің алдын алуға және болдырмауға мүмкіндік беретінін атап өтті.

 
Ақтөбеде ӨҚС бойынша облыстық чемпионат өтті PDF Басып шығару E-mail

20.06.2018

В Актобе состоялся областной чемпионат по ПССАқтөбеде ӨҚС бойынша облыстық чемпионат өтті

Ақтөбенің өртке қарсы қызмет гарнизонында екі күн бойы өрт-құтқару спорты бойынша Ақтөбе облысының ТЖД «ӨС және АҚЖҚ» ММ барлық бөлімшелерінен – 18 команданың қатысуымен облыстық чемпионат өтті.
Бұл жай ғана жоспардағы жарыс емес, алда келе жатқан ӨҚС бойынша ерлер арасындағы XXV жазғы Республикалық чемпионат пен әйелдер арасындағы V жазғы Республикалық чемпионатқа өрт сөндіруші-спортшылардың дайындығын көрсету.
Облыстық чемпионаттың түгелдей барысы таяуда болатын басты жарыста өрт сөндіру-құтқару спортының спортшылары үшін таңба болады. Жарыс өте тартысты өтті. Барлық команда үздік спорттық дағдылары мен ептілігін, ұйымшылдығын, жеңіске деген талпынысын көрсетті. Дегенмен, спорттың аты – спорт, сәтсіздіктер де орын алды.
Күрделі өрттерді сөндіру кезінде жеке құрам айтарлықтай физикалық және жүйке шыдамдылығын көрсетуі қажет болады. Өрт сөндіру құралдарын барынша жылдам жаю, адамдарды құтқару, мүліктерді көшіру, биіктікте, түтін ішінде және жоғары температурада жұмыс істеу, күрделі жағдайлардағы түрлі кедергілерді еңсеруде жеке құрамнан өз міндетіне деген жауапкершіліктен басқа, салауатты денсаулығы, күш-жігері, төзімділігі, батылдығы, әрекет жылдамдығы талап етіледі. Осы қасиеттердің барлығына ие рблыстық чемпионатқа қатысушылар – өрт сөндіруші-спортшылар жақсы нәтижелер көрсетті.
Сонымен, жаттығу мұнарасының 4-қабатының терезесіне шабуыл сатысымен көтерілу бойынша жалпы командалық есепте жүлделі орындарды төмендегідей иеленді: 3 орын – Мұғалжар ауданындағы 12-ӨСБ;
2 орын – Әйтеке би ауданындағы7-ӨСБ;
1 орын – Ақтөбе қаласындағы 1-МӨСБ.
Жекелей есепте:
3 орын – Әйтеке би ауданындағы 7-ӨСБ бастығының орынбасары Саламат Нұрқалық (24,30);
2 орын – Ақтөбе қаласындағы 1-МӨСБ-нің аға өрт сөндірушісі Еламан Дәулетов (24,07);
1 орын – Мұғалжар ауданындағы 12-ӨСБ-нің өрт сөндірушісі Аманбай Убайшан (21,47).
100 метрге созылған кедергілі жолақты еңсеруде жалпы командалық есепте орындар келесідей кезекте бөлінді:
3 орын – Ақтөбе қаласындағы 1-МӨСБ;
2 орын – Әйтеке би ауданындағы 7-ӨСБ;
1 место – Мұғалжар ауданындағы 12-ӨСБ.
Жекелей есепте:
3 орын – Ақтөбе қаласындағы 1-МӨСБ-нің өрт сөндіруші-құтқарушысы Әлібек Нұрышев (18,98);
2 орын – Мұғалжар ауданындағы 12-ӨСБ-нің өрт сөндірушісі Аманбай Убайшан (18,74);
1 орын – Әйтеке би ауданындағы 7-ӨСБ бастығының орынбасары Саламат Нұрқалық (18,70).
Өрт сөндіру эстафетасынан жалпы командалық есепте келесі командалар жүлделі орынға ие болды:
3 орын – Қобда ауданындағы 15-ӨСБ;
2 орын – Ақтөбе қаласындағы 1-МӨСБ;
1 орын – Мұғалжар ауданындағы 12-ӨСБ.
Жауынгерлік қанат жаюда жалпы командалық есепте:
Ақтөбе қаласындағы 1-МӨСБ – 3 орын;
Қарғалы ауданындағы 10-ӨСБ – 2 орын;
Ақтөбе қаласындағы 2-ӨСБ – 1 орынды иеленді.
ӨҚС бойынша өткен облыстық чемпионаттан соң бірден Ақтөбе облысы Өрт сөндіру қызметінің қалалық бөлімшелерінің арасында функционалды өрт скөпсайысы басталды. Жарыс 12 түрлі жаттығудан тұрды:
1. 24 келі кір тасын қос қолымен кеудесіне дейін көтеру (10 рет қайталау)
(10 повторений).
2. «А» кезеңінен «В» кезеңіне дейінгі арақашықтықта 10 метрге еркін жүгіру.
3. Штангамен кешенді жаттығулар келесідей тәртіпте орындалды: етпеттей жатып қолмен штанганың грифіне тіреп, кеудені бүгіп жазу жаттығуын жасау (10 рет қайталау), одан соң штанганы кеудеге жұлқа көтеріп, жоғарыға дейін серпе көтеру (10 рет қайталау), жаттығуларды орындағаннан кейін штанганы жерге қояды.
4. «В» кезеңінен«С» кезеңіне дейінгі арақашықтықта 10 метрге еркін жүгіру.
5. Дөңгелектің резеңке қабын «С» кезеңінен «D» кезеңіне дейінгі арақашықтықтағы 20 метрге аударыстыра жүру.
6. «D» кезеңінен «Е» кезеңіне дейінгі 10 метр арақашықтықты дөңгелектің резеңке қабын зілбалғамен соққылай, жылжытып жүріп өту.
7. Диаметрі 77 мм екі орам өрт сөндіру жеңін «Е» кезеңінен 50 метр арақашықтықтағы «А» кезеңіне дейін ауыстыру.
8. Диаметрі 77 мм қысымды өрт сөндіру жеңдерін өзара жалғап, кері бағытта «А» нүктесінен «D» нүктесіне дейінгі 50 метр арақашықтықты магистральді сызық жүргізу.
9. «Сегіздік» әдісімен магистральді сызықты орау.
10. 24 келілік екі кір тасын 30 метр арақашықтығындағы «Е» нүктесінен «С» нүктесіне ауыстыру.
11. Автокөлікті арқанмен асынып, «А» нүктесінен 50 метр қашықтықтағы «Е» нүктесіне ауыстыру.
Жарысқа қатысушылар жаттығуларды өрт сөндірушілердің жауынгерлік киімінде, тыныс алу аппараты қосулы күйінде орындады. Және осы жарыстың қорытындысы бойынша жүлделі орындарға төмендегілер ие болды:
«ӨС және АҚЖҚ» ММ басқару аппаратыАппарат – 3 орын;
Ақтөбе қаласындағы 1-МӨСБ – 2 орын;
Ақтөбе қаласындағы 18-ӨСБ – 1 орын.

 
Санда емес, сапада PDF Басып шығару E-mail

19.06.2018

Не числом, а умениемСанда емес, сапада
Ақтөбеде 1-МӨСБ өрт сөндірушілері жанған пәтерден үш баланы құтқарды

«Өрт сөндіру және авариялық-құтқару жұмыстары-қызметі» мемлекеттік мекемесінің Өрт байланыс орталық пунктіне 17.40-та қоңырау келіп түскеннен кейін 4 минут өтісімен 1-МӨСБ 6 адамдық құрамымен бірінші жүріс №2 жоғары шақыртуы бойынша Маресьев көшесі, 2 «Г» мекенжайындағы 10 қабатты үйге жіберілді. 6-шы қабаттың балконынан будақтап түтін шықты.
Көршілерден сұрастыра келе, пәтер ішінде кішкентай балалардың бары анықталды, бөлім аға инженерінің міндетін атқарушы аға сержант Жанболат Султанов ГТҚҚ-нің құрамындағы екі жауынгерге балаларды іздестіру, құтқару үшін пәрмен берді. Үй ішіне балкон арқылы кіруге автосатының қажет екендігі туралы бір мезгілде рациямен хабар берілді.
Азаматтық қорғау сержанты мен прапорщигі, аға өрт сөндіруші Абдолла Адилов пен бөлім командирі Дәукен Сапаров, әп-сәтте 6-шы қабатқа жүгіріп шығып, құлыптаулы есікті тез арада ашып, түтінге оранған пәтерге кірді. Пәтер ішін жалын шарпымаған, бұл, әрине жақсы. Бірақ дабыл басылмады: балалар қайда, тірі ме олар?
Ақыр соңында кіреберіс есік жақтағы зат қоятын қуыс бөлмеден әлсіз дауыс шықты. «Олар осында!», - Абдолла қатты дауыстап, тар бөлменің есігін өзіне қарай тартты. Үркіп қалған балалар үлкендерді көрісімен өксіп, олардың қолдарынан ұстады. Әділов бір жарым жастағы кішкентай қыз баланы көтеріп, Сапаров ересектеу екеуін қолына алып, құтқарушылар жүзім шырынындай қып-қызыл қауіпті аймақтан сыртқа ұмтылды.
Жауынгерлер балаларды төменгі қабаттан көршілерге табыстап, пәтерге жылдам оралып, анықтай бастады: жалынның ошағы пәтерде емес, тұрмыстық заттар – киім-кешек, жамылғы жанып жатқан әйнекті балконда. Балконға шығуға балалардың ата-аналары алдын ала тиым салған. Ас үйден таба алмайсыз оларды, сондықтан балалардың отпен ойнауын кінәлап қажет емес. Бірақ сонда не болды?
Осы уақытта балконға автосаты орнатылып, жеңдік сызықтар жүргізілді. Азаматтық қорғау аға сержанты Ж. Сұлтанов пәтер ішіндегі өрт сөндірушілерге еппен бір «Б» оқпанын беріп, 18.00-де қызыл жалынды толықтай сөндірді.
«№2 шақыртуы» автоматты түрде жарияланған бойда өрт орнына қаладағы барлық өрт сөндіру бөлімдерінің жеке құрамынан 34 адам мен 8 бірлік техника, Апаттар медицинасы орталығы, өрт-сынақ зертханасы, полиция қызметі, электрбайланысы және газ қызметі бағытталды.
Бірақ 17.50-де жоғары дәрежедегі шақыру қоңырауы қажеттіліктің болмауына байланысты күшін жойды. 1-МӨСБ жауынгерлік есебі санмен емес, сапалы басқарып, өрт сөндіру және авариялық-құтқару жұмыстарын жүргізуде өздерінің ептілігін, кәсіби тәсілқойлығы мен әрекет жылдамдығын оңтайлы қолданды. Нәтижесінде 25 адам, оның ішінде 3 бала құтқарылып, 13 адам қауіпсіз жерге көшірілді.
Барлығы сәтті аяқталғанда түтінді бірінші болып 8 жасар Аңсардың көргендігі айқын болды. Ол ваннадағы үлкен қарындасын айқайлап шақырып, кішкентай Айзерені қолына алып, олармен бірге пәтердегі қауіпсіз орын – қойманы паналады. «Батыл, аңғарымпаз бала барлық деректерімен нағыз құтқарушы», - деп мақтады өрт экипажының жауынгерлері.
PS: Бір аптадан кейін осы драманың тарихы әсерлі түрде жалғасын тапты. Балаларын аман-сау құтқарғандарға алғысын білдіріп, аналық жүрекпен «рақметін» айту үшін балалардың анасы өрт сөндіруші-құтқарушыларды үйіне шақырды. Оған бастан кешкен оқиғаны ұмыту тым ауыр. Ал балақайлар болса бір апта өтсе де өз құтқарушыларының кім екенін білген жоқ, әрине жағдай қазір басқаша: қуанышты, қауіпсіз. Мүмкін бұл олар үшін жақсы. Ал құтқарушылар болса бақытты! Өрт сөндіру, адамдарды құтқару – бұл игілік пен алғысқа толы мамандық! Балалардың осы бақытты жүзі өз өміріңді қиюға тұрарлықтай!

 
Қоймадағы өрт: барлығын минуттар шешті PDF Басып шығару E-mail

18.06.2018

Пожар на складах: все решили минутыҚоймадағы өрт: барлығын минуттар шешті

10 маусым сағат 19:26-да «112» нөміріне «41-ші разъезде қойма жанып жатыр», - деп кездейсоқ жүргінші хабарлады. «ӨСжАҚЖ» ММ Орталық пунктінің өрт байланыс кезекшісі №2 жарияланған дабылды қоңырауына жауап берді.
Бір минуттан соң шақырту орнына 33 адам және 8 дана техника: қалалық өрт сөндіру бөлімдерінің жауынгерлік есептері, өрт сөндіру қызметінің кезекші қызметкерлері, сынақ өртті зертханасы, апаттар медициналық орталығы, «102» полиция қызметінің бөлімшелері жіберілді.
Жану орнына бірінші болып сағат 19:43, №3 ӨСБ жауынгерлік экипажы келді. Қарауыл бастығы аға сержант Ақылбек Иманалиев жағдайды көзбен бағалады: қойма бөлмесі түтіндей бастады. Байланыстың құрамына газтүтіннен қорғау қызметіне «Б» оқпаны берілді.
Өрт сөндіру қызметінің жедел кезекшісі №2 ӨСЖ азаматтық қорғау майоры Рустам Омаров барлау жүргізгеннен кейін қоңыраудың жоғарылатылған нөмірін жойды. Қойманың кіреберісінде терезеге жақын орналасқан екі тоңазытқыш аппаратының жанғаны анықталды. Өрт сөндіру бастығы «Отты сөндіру үшін бір есептің өзі жеткілікті» деп шешті.
«№2 қоңыраудың» жойылуы өрт қаупінің артуының жоқтығын білдерген жоқ. Сөндіру барысы жанған тоңазытқыш орнатқысында ондаған тонна өсімдік майының сақталып қалғаны жағдайды күрделете түсті. Барлығын секундтар шешті. Майы бар шөлмек жарылып және өртті арандатудың рөлін атқармай тұрғанда, жануға дереу су құю керек болды. Бұл жағдайда дайын өнімнің қауіпсіздігіне әсер ететін сөндірудің басқа құралдарына жүгінуіміз керек еді.
Үлгерді. Санаулы секунттарда өрт сөндірушілер жануды оқшаулап, өрттің өршуінің алдын алып, оны жойды. Дайын өнім қоймасы құтқарылды, зардап шеккендер жоқ.

 
Адамдар жаппай жиналатын орындардағы насихаттау жұмыстары PDF Басып шығару E-mail

15.06.2018

ПРОФИЛАКТИЧЕСКАЯ РАБОТА В МЕСТАХ МАССОВОГО ПРЕБЫВАНИЯ ЛЮДЕЙАдамдар жаппай жиналатын орындардағы насихаттау жұмыстары

Өрттің алдын алу және насихаттау, су айдындарында адам қазасына жол бермеу, сондай-ақ ТЖ кезінде қауіпсіздік шараларын жеткізу бойынша халықты барынша кеңінен қамту үшін Ақтөбе қаласының Төтенше жағдайлар басқармасымен адамдар жаппай жиналатын орындарда үгіт-насихат іс-шаралары жүргізілуде.
Солардың бірі Теміржол вокзалы, «Сапар» автовокзалы және Ақтөбе қаласының Халықаралық әуежайы болып табылады.
Осы нысандардағы ақпараттық тақталарда: «Тұрмыстағы өрт қауіпсіздік шаралары», «Адамдар жаппай жиналатын орындардағы өрт қауіпсіздік шаралары», «Жазғы кезеңде судағы мінез-құлық ереджелері» тақырыптарында алдын алу сипатындағы жадынамалар мен парақшалар ілінген.

 
Ақтөбе қаласының су айдындарындағы рейдтік іс-шаралар PDF Басып шығару E-mail

14.06.2018

РЕЙДОВЫЕ МЕРОПРИЯТИЯ НА ВОДОЕМАХ ГОРОДА АКТОБЕАқтөбе қаласының су айдындарындағы рейдтік іс-шаралар

«Жазғы балалар демалыс орындарындағы қауіпсіздік» акциясы барысында Ақтөбе қаласының Төтенше жағдайлар басқармасының қызметкерлерімен демалыс күндері Сазды және Елек өзендері бойындағы су қауіпсіздігі бойынша рейдтер жүргізіліп, алдын алу сипаты бойынша судағы қауіпсіздік ережелерін сақтау туралы түсіндірілді және жадынамалар таратылды.
Аталған іс-шараның мақсаты – суға шомылу кезеңде су айдындарында адамдардың қаза болуын алдын алу.
Қаза болуының негізгі себептері мыналар болып табылады: тыйым салынған жерлерде суға шомылу; балаларды қараусыз қалдыру; күзетілетін жерлерде шомылу; өзге де себептер.
Ақтөбе қаласының ТЖБ Ақтөбе қаласының тұрғындары мен қонақтарынан судағы барлық қауіпсіздік ережелерін сақтауды сұрайды, өзі мен жақындарының өмірін елемеуді болдырмау және әрқашан есте сақтау қажет қарапайым ережелерді (су айдындарында демаласыз ба, балық аулау кезінде шыбықпен отырсыз ба) ескертеді.
- жүзе алмасаңыз, белдеуден жоғары суға бармаңыз
- мас күйінде және тамаққа тойып алғаннан кейін суға шомылмаңыз.
Ағза алкагольге қаныққанда өзін-өзі бақылауы нашарлайды, тыныс алу және жүрек қызметінің белсенділігі төмендейді, ұйқышылдық басталады.
Абай болыңыздар, судағы қауіпсіздік шараларын сақтаңыздар!

 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

1 -парақ, барлығы 177